']]}
ليلة القبض على حسنى
طخ طخ طخ
قومى افتحى ياولية
ولية مين يافلاح انته .. ده انا هانم
هانم..هانم محمد...قومى افتحى بدل محدف عليكى اليمين فى ليلتك السودا ديه
ماشى ياسيد الرجاله.....كنت وفر المرجلة دى على شعبك
يادى الليلة اللى مش فايته ياوليه غورى من وشى الساعه دى وقومى افتحى
يعنى هيكون مين اللى هيجيلنا فى نصاص الليالى ده
تلاقيه حد م الرجاله بتوعنا
رجاله حسره ع الرجاله ياخويا ماهو كلهم شرفوا فى اللمان
يمكن زكريا ياولية جى عايز حاجه
زيكس...زيكس شرف فى طرة امبارح
يمكن نظيف
رابسو....هأو...حصله من يومين
ايه ده...ده كده معدش فاضل حد بره غيرنا
طخ طخ طخ
يوووه...متصبر ياللى ع الباب هى الدنيا طارت ياخوية
مين اللى يخبط
بوليس....افتح
قديمه...منزلوش لسه
افتح ياحيوان احنا امن الدولة
برضوا قديمه...دول اتظبطوا فى اسكندرية
اكسرالباب..........طراااااااااااخ
ايه ده...... ده الموضوع طلع بجد
الله يخربتك ياجمال انته وامك فى ساعه واحده زى ماخربتوا بيتى....قعدتوا تقولى كلم الشعب...... كلمه....وانا عارف كل مرة اتكلم فيها مع الشعب بيقفش منى ويطينها على دماغى اكتر